يا أهل الفوردات هذا الحل لرمشة كهرباء الفورد
10
0
إضغط هنا للإخفاء
السلام عليكم ورحمة وبركاته
كيف حال الشباب ان شاء الله تكونون بخير وبصحه وما أوصيكم علي طلعات البر الأجواء
خياليه وخلونا بعيد عن المقدمات ابتكلم عن موضوع طبعا اكيد جنن أهل الفوردات وعقدهم
اللي هو رمشة الفورد والحل بسيط وتافه وأي
واحد يقدر يسويه بعيد عن استغلال الكهربائية
لو تجيهم تقولهم الكهرباء ترمش يقول الدينمو
خربان وبدله او الدينمو خربان من داخل المخدات
او الفحمات او البوبرنغ بس علشان يسحب منك
فلوس وياما ناس حطت الف والفين ريال علي
تبديل الدينموات بس علشان تروح الرمشه وفوق
هذا التعب ما تروح الرمشه عندي اخوي الأصغر
مني يقول بهذلتني سيارتي بالرمشه قلت ما عليك
يدبرها ربك واليوم الصبح اقتحمنا الفورد بهجوم
بربري علي ضفيرة الدينمو ونظفناها وعدلنها
مع تنظيف رؤوس البطاريه من الأملاح طبعا
فيه ترهيم صار بالهجوم البربري والعمليه
كالتالي
١-سلك البطاريه السالب تم تنظيف راس البطاريه
وتنظيف الطرف الثاني الواصل بالماكينه بمويه
وصابون وبعدها تنظيف في البنزين مع فرشات
سيم تنظيف محبس السلك الواصل بالماكينه وفكه
من مكانه وتنظيف مكانه ورجعنا السلك ركبناه .
٢- تمديد سلك كبير مع محبسه من راس البطاريه
السالب الي البودي في الصوره A وتنظيف المكان
بفرشة سيم وورق سنفره رقم ٨٠ .
٣- فيه سلك مع الظفيره اللي يسمونه سالب
الظفيره تم توصيله في مكان ثاني وتم سنفرة
المكان بورق سنفره ٨٠ مع مبرد حديد وفرشاة
سيم وشوفوا لون المعدن طلع لتوصيل اقوي
في الصوره B .
وبعد هذا الهجوم البربري علي الظفيره أعلنت
الرمشه الهروب من السياره باستسلام تام وانتصارنا عليها هههههههه
ولله الحمد راحت الرمشه من السياره والكهرباء
صارت اقوي من اول وعداد الضغط صار ثابت
وأول بس يلعب وعداد الكهرباء كان علي الربع
ويلعب مو ثابت والحين ثابت وانتم شوفوا الصور
العدادات صوره C و D وشوفوا عداد الكهرباء
كان ربع والحين شوفوا كم واصل ولله الحمد
كل شي اشتغل بالسياره وحتي أضواء السياره
صارت اقوي وبدون رمشه .
وكل العمليه هذي ما كلفت اي فلس لان الأغراض
المذكورة عندي بالمستودع واستعملها وقت الحاجة
اتركم مع الصور .
وأي استفسار انا حاضر
وانتظروا مشاركتنا القادمه
تحياتي للجميع
إبلاغ
الردود
سعره 1800 وكاله
1
0
1
0
لان سيارتك جديده ما شاء الله مو معقوله تتراكم عليها الاوساخ
انا العمليه مجرد تنظيف وتمديد سلك اكبر من سالب البطاريه
الي بودي السياره بالسيارات القديمه يمكن فيها أوساخ بحكم عمر
السياره او تيبس بالاسلاك .
انت افحص كهرباء الدينمو وشف سالب البودي اذا عليه أوساخ
وبلغنا وش يصير معك
0
0
اخبره بالكويت حصلناه دينمو بوليسي ما يقارب ٢٥٠ ريال
1
0
يسلمك ربي يا الكاسر
منور علي الموضوع
تحياتي
1
0
لان الصور مقربة جدا ياريت لو انت تعيد التصوير اوضح ،،
تسلم ع جهدك
1
0
الله يسلمك
لا موضوعي انا اللي كاتبه مو منقول
وانا متعمد أني أصور كذا علشان تكون
واضحه الاسلاك والصور ما هي الا شرح للموضوع
وأبشر بعزك انا اصورها لك بس علي ما يجي اخوي
تحياتي
1
0
وفي حل لرمش الكهرب يكون في جزء فالدينمو يهتز ولازم يتثبت بلحام
هذا اذا كان العطل بالدينمو وطريقتك سليمه وجيده ومفيده هذي للسيارات
اللي لها فتره مستعمله وتكون عليها كربون او غبار او زيوت .
0
0
انا عندي فكتوريا اول ماشريته كان في النهار وبعد فحص وكل شي ما انتبهت لحكاية الرعشه في انوار السياره
استلمت السياره وفي الليل لاحظتها المهم غيرت دينمو مجدد امريكي بسعر 350 ريال الشحن 14 ولمبة البطاريه في الطبلون والعه حاولت اطفيها مافيه امل
المهم كنت بسافر مشوار طويل والعايله معي خفت من هالدينمو واشتري واحد من التشليح راكب ع مكينه 2010 وباقي ماطفت لمبة البطاريه وسافرت عليه ولم رجعت ديرتي صرت ادعس بنزين كل انوار السياره تطفي !!!!
فتحت الكبوت وادعس بنزين الا الدينمو يطلع شرار كأنك تقطع حديده بصاروخ !!!! رجعت ركبت القديم والنهار الثاني ع الوكاله واشتري بوليسي وطفت لمبة البطاريه وزان نور السياره وصار القزاز ينزل ويطلع بسرعه وارتحت من كل هالحوسه
اذا شريت بوليسي لازم تتأكد وجود حرفين AA جمب الكرتون بمعنى غير مجدد اذا حصلت مكتوب ER يعني مجدد وشكرا
1
0
وش تقصد يا قلبي فيه
يا ليت تفيديني وانا اخوك
تحياتي لك
0
0
0
0
السموحه منك يا اخوي والله امس ما قدرت ارد عليك تعرف نظام المنتدي يقول لا تستطيع المشاركه
لان نقاطك لا تسمح السموحه من يا اخوي القناص
عز الله ستركم الله من الدينمو اللي من التشليح
بس باين عليه يا مصلحه راعي التشليح وما عرف يعدله او تلقي طايح بوسطه شي
مثل مسمار صغير او تراب وصار يحك من داخل .
بس والله يا اخوي مره غالي من الوكاله الله لا يوفقهم والله محصله بوليسي ابو فيشتين
وراكب علي دوريه امريكيه جايه من امريكا قصه عطنياه ما يقارب ٢٥٠ ريال بالكويت
وانا من الناس احب اخذ مستورد وما اثق باستعمال الخليج اذكر قبل ٧ سنوات أخذت
دينمو وارد اليابان لنيسان صني ٢٠٠١ وما شاء الله عليه ليومنا هذا راكب علي السياره
وفوق هذا ماخذه رخيص ما يقارب ٦٥ او ٧٠ ريال وفوق هذا عطاني حتي السير مع ضفيرة
الدينمو كامله مع افياشها لو بالسعوديه ما تشده دون ٥٠٠ ريال بس المشكلة وانا اخوك ان
جمارك الرقعي مشددين انا اخوي جايب فلنجات من الكويت رفضوا الجمرك يعبرونه لحد ما تناشب
مع الموظف وقاله زميل الموظف يا اخوي هذا خوي عفن رح لرئيس النوبه وكلمه وقله لسيارتي والله كلمه
وقاله رح اطلع وتوكل علي الله .
الله يعين القطع صارت تاخذ نص الراتب .
وربي يوفقك
تحياتي لك يا القناص
0
0
بالذات اوقات البرد
ومؤشر البطارية ثابت !
وش الحل برايك "؟
قبل 10 سنه و 10 شهر